Утаажилтын бүсээс 8 иргэнийг гаргаж, 900 сая төгрөгийг өмч хөрөнгийг авран хамгаалав

Нийслэлийн хэмжээнд өнгөрсөн долоо хоногт гал түймрийн 25, аврах ажиллагааны 2 дуудлагаар алба хаагчид шуурхай үүрэг гүйцэтгэж, 8 иргэнийг утаажилтын бүсээс гарган, 900 сая төгрөгийн өмч хөрөнгийг авран хамгаалав.

Гал түймрийн 25 дуудлагын шалтгаан нөхцөл нь ил галаас 12, цахилгаан ашиглалтын буруугаас 5, цахилгаан угсралтын буруугаас 5, яндангийн цонолтоос 3 удаа гал түймэр гарсан байна гэж нийслэлийн Онцгой байдлын газраас мэдээллээ.