Уул овоо тахих Монгол зан үйлийг ЮНЕСКО-ийн соёлын биет бус өвийн жагсаалтад бүртгэлээ

ЮНЕСКО-ийн Соёлын биет бус өвийг хамгаалах тухай конвенцийн Засгийн газар хоорондын хорооны 12 дугаар чуулган 2017 оны 12 дугаар сарын 4-9-ний өдрүүдэд БНСУ-ын Жэжү аралд болсон байна.

Тус хуралдаанаас Монгол Улсаас нэр дэвшүүлсэн "Уул овоо тахих Монгол зан үйл" өвийг ЮНЕСКО-ийн Яаралтай хамгаалах шаардлагатай Соёлын биет бус өвийн жагсаалтад албан ёсоор бүртгэх шийдвэрийг гаргажээ.