Уур амьсгалын өөрчлөлтөд дасан зохицох чиглэлийн судалгаа шинжилгээний ажилд БНСУ-тай хамтран ажиллана
Санамж бичгийн хүрээнд иргэдийн эрүүл мэнд, уур амьсгалын өөрчлөлтөд дасан зохицох чиглэлээр холбогдох байгууллагууд хамтран шинжлэх ухааны судалгаа явуулах харилцааг зохицуулах зорилготой юм.
Мэдээллийн алба
Монгол Улсын Байгаль орчин, аялал жуулчлалын яамны Уур амьсгалын өөрчлөлт, бодлого төлөвлөлтийн газар, Ус, цаг уур, орчны судалгаа, мэдээллийн хүрээлэн болон БНСУ-ын Сөүл хотын Нийгмийн эрүүл мэнд, байгаль орчны судалгааны хүрээлэн, Солонгосын агаар мандлын хүрээлэн буй орчны нийгэмлэгүүд “Улс ба хотын түвшинд байгаль орчныг хамгаалах, нийгмийн эрүүл мэндийг сайжруулах, уур амьсгалын өөрчлөлтөд дасан зохицох чиглэлээр судалгааны ажлууд хамтран явуулах тухай” санамж бичиг байгууллаа.
Санамж бичгийн хүрээнд иргэдийн эрүүл мэнд, уур амьсгалын өөрчлөлтөд дасан зохицох чиглэлээр холбогдох байгууллагууд хамтран шинжлэх ухааны судалгаа явуулах харилцааг зохицуулах зорилготой юм.
Мөн талууд хамтарсан судалгаа хийх чиглэлээр мэргэжилтэн солилцох, техник, технологийн дэвшлийг дэмжих, олон нийтийн эрдэм шинжилгээ, судалгааны ажил зохион байгуулахад хамтран ажиллана гэж БОАЖЯ-наас мэдээллээ.
