Увс аймагт 4.5 магнитудын хүчтэй газар хөдлөлт боллоо

Олон улсын цагаар 2019 оны дөрөвдүгээр сарын 30-ны 23:46 цагт Увс аймгийн Сагил сумаас баруун зүгт 33 км зайнд 4.5 магнитудын хүчтэй газар хөдлөлт боллоо.

Энэхүү хөдлөлтийн дараа 23:57 цагт 3.9 магнитудын хүчтэй давтан хөдөллөө. Энэ хөдлөлтөөс хойш одоогийн байдлаар долоон удаагийн жижиг хөдлөлт мэдрэгдсэн байна.

Газар хөдлөлтийн талаар ард иргэдээс асуулга авч баллыг тогтоож дэлгэрэнгүй мэдээлэл өгөх юм байна. 2017 онд Увс аймагт зургаан удаагийн хүчтэй хөдлөлт, 2018 онд мөн зургаан удаагийн хүчтэй хөдлөлт бүртгэгдсэн бол өнөөдрийн газар хөдлөлт нь 2019 оны анхных ажээ.