Яармагийн 4 дүгээр хороонд 200 ортой хүүхдийн цэцэрлэг ашиглалтад ороход бэлэн боллоо

Хан-Уул дүүргийн хөрөнгө оруулалтаар 4 дүгээр хороонд 200 ортой шинэ цэцэрлэгийн барилга, гадна тохижилт, ногоон байгууламжийн ажил бүрэн дуусаж, есдүгээр сарын 1-нд хүүхдүүдээ хүлээн авч, үйл ажиллагаагаа эхлүүлэхэд бэлэн боллоо.

Барилгын зохион байгуулалт хагас зоорьтой 2 давхар бөгөөд хувцас солих өрөө, гал тогоо, ариун цэврийн өрөө, агуулах, бүлгийн өрөө болон бусад өрөө тасалгаануудаас бүрдсэн зохион байгуулалттай юм байна.

Гадна талбайн тохижилтын тухайд хүүхдийн тоглоомын талбай, ногоон байгууламжтай тохилог орчныг бүрдүүлжээ.