Япон дахь монголчууд сар шинийн баяраа тэмдэглэлээ

Токио дахь ЭСЯ-ны хамт олон Япон улсад сурч, ажиллаж, амьдарч буй монгол иргэдийн төлөөлөлтэй хамтран 17 дугаар жарны гал бичин жилийн сар шинийн баяраа өргөн дэлгэр тэмдэглэлээ.

Цагаан сарын золголтод Японы мэргэжлийн сүмогийн их аварга М.Даваажаргал, Д.Бямбадорж тэргүүтэй манай сүмочид, МУГЖ Ш.Даваахүү, "Asia's Got Talent" наадмын дэд байрын шагналт "Хөсөгтөн" хамтлагийн хуурч, хөөмийч В.Батзориг, морин хуурын "Их татлаг" хамтлагийн хуурч, хөөмийч Б.Болд-Эрдэнэ, А.Долгион, зураач С.Заяасайхан болон Япон дахь Монгол Оюутны Холбооны төлөөлөгчид оролцсон байна.