Захиргааны хуулийг долоодугаар сараас мөрдөж эхэлнэ

Нэлээдгүй удаан хэлэлцэгдсэн Захиргааны ерөнхий хууль өнгөрөгч зургаадугаар сард батлагдсан. Уг хууль ирэх долоодугаар сарын 1-нээс хэрэгжиж эхэлнэ. Хуулийг хэрэгжүүлэх бэлтгэл ажлын хүрээнд Хууль зүйн яамнаас нийслэлд зохион байгуулах сургалтын график гаргаж, сургалтыг ХБНГУ-ын Ханнс-Зайделийн сантай хамтран зохион байгуулж байгаа аж.

Нийслэл, дүүргүүдийн ЗДТГ, Улаанбаатар хотын Захирагчийн ажлын алба, Засаг даргын эрхлэх асуудлын хүрээний хэрэгжүүлэгч агентлагуудын ажилтнуудад зориулсан сургалт хоёрдугаар сарын 16-наас гуравдугаар сарын 4-ний өдрүүдэд зохион байгуулагдаж байна. Энэхүү сургалтад нийт 9 дүүрэг, 34 байгууллагын нийт 1800 гаруй ажилтан, албан хаагчид хамрагдах юм байна.

Эх сурвалж: Хууль зүйн яам