Зам цэвэрлэгээний тусгай машин цэвэрлэгээ хийнэ

"Нийтийн үйлчилгээний Улаанбаатар нэгтгэл" ОНӨААТҮГ өнөөдрөөс зам цэвэрлэгээний тусгай зориулалтын машинуудаа цэвэрлэгээнд гаргаж байна. Уг машин нь нарийн гуурсаар ус цацаж, соруулдаг тул хасах градустай нөхцөлд ажиллах боломжгүй аж. Тиймээс цаг агаар дулаарч байгаатай холбогдон төлөвлөгөө гаргаж ажлуулах бөгөөд Энхтайваны өргөн чөлөө, Чингисийн өргөн чөлөө, Энэбишийн өргөн чөлөө, Сөүлийн гудамж, Их тойруу, Бага тойруу, Олимпийн гудамжийн замуудыг замын хөдөлгөөний ачаалал буурах цагаар буюу шөнийн 23 цагаас, өглөөний 06 цаг хүртэл цэвэрлэнэ.