Засгийн газрын ээлжит хуралдаан боллоо

Монгол Улсын Засгийн газрын ээлжит хуралдаан 2018 оны нэгдүгээр сарын 03-ны өдөр болж, дараах асуудлуудыг хэлэлцэн шийдвэрлэлээ. Үүнд,

- Мөнгө угаах болон терроризмыг санхүүжүүлэхтэй тэмцэх тухай хуульд нэмэлт, өөрчлөлт оруулах тухай хуулийн төслийг хэлэлцэн УИХ-д өргөн мэдүүлэхээр боллоо.

- “Нөөц ашигласны төлбөр болон тусгай зөвшөөрлийн төлбөр төлөх, хуваарилах, зарцуулах журам”-ыг хавсралтаар баталлаа.

- Залуучуудын хөгжлийн үндэсний зөвлөлийг Хөдөлмөр, нийгмийн хамгааллын сайдаар ахлуулан байгуулав.

-Сангийн сайд Ч.Хүрэлбаатарт Санхүүгийн хяналт, шалгалтын улсын ерөнхий байцаагчийн эрх олгов.