Засгийн газрын ээлжит хуралдаан болно

Монгол Улсын Засгийн газрын ээлжит хуралдаан өнөөдөр 13:00 цагт Засгийн газрын хурлдааны танхимд эхэлнэ. Тус хуралдаанаар Засгийн газарт чиглэл өгөх тухай Ерөнхийлөгчийн зарлигт өгөх Засгийн газрын санал, Согтуурах, мансуурах донтой хүнийг захиргааны журмаар албадан эмчлэх тухай хуулийн төсөл, Хөдөө аж ахуйн “Халх гол” үндэсний бүтээн байгуулалтын бүсийн талаар авах зарим арга хэмжээний талаар тус тус хэлэлцэнэ.

Мөн Газрын тосны үйлдвэрийн явц, Эрүүл мэндийн сайдын гадаад томилолтын дүнгийн талаар мэдээлэл сонсоно.

№ ХЭЛЭЛЦЭХ АСУУДАЛ ЗАСГИЙН ГАЗРЫН ГИШҮҮН 1. Засгийн газарт чиглэл өгөх тухай Ерөнхийлөгчийн зарлигт өгөх Засгийн газрын санал Г.Занданшатар 2. Улсын Их Хурлын гишүүн А.Сүхбатын санаачлан боловсруулж Засгийн газрын санал, дүгнэлт авахаар ирүүлсэн “Туул голын орчны бүсийг улсын тусгай хамгаалалтад авах, түүнтэй холбогдуулан авах зарим арга хэмжээний тухай” Улсын Их Хурлын тогтоолын төсөл Ц.Нямдорж 3. Улсын бүртгэлийн ерөнхий хуулийн болон Хуулийн этгээдийн улсын бүртгэлийн тухай шинэчилсэн найруулгын төсөл Ц.Нямдорж 4. “Бүх нийтийн эрх зүйн боловсролыг дээшлүүлэх үйл ажиллагааг улсын хэмжээнд зохицуулах, хяналт тавих үүрэг бүхий Үндэсний зөвлөлийн бүрэлдэхүүн, дүрмийг батлах тухай” Засгийн газрын тогтоолын төсөл Ц.Нямдорж 5. Согтуурах, мансуурах донтой хүнийг захиргааны журмаар албадан эмчлэх тухай хуулийн төсөл Ц.Нямдорж 6. “Монгол Улсын эдийн засаг, нийгмийг 2019 онд хөгжүүлэх үндсэн чиглэл батлах тухай” Улсын Их Хурлын тогтоолын төсөл Ч. Хүрэлбаатар 7. Ажиллах хүч мэргэжилтэн авах тухай С.Чинзориг 8. Бүтээгдэхүүн хуваах гэрээний гэрээлэгчийн эрх, үүргийг шилжүүлэх тухай Д.Сумъяабазар 9. Бүтээгдэхүүн хуваах гэрээ байгуулах эрх олгох тухай Д.Сумъяабазар 10. Хөдөө аж ахуйн “Халх гол” үндэсний бүтээн байгуулалтын бүсийн талаар авах зарим арга хэмжээний тухай Б.Батзориг 11. Төрийн өмчит үйлдвэрийн газар байгуулах тухай Ц.Даваасүрэн 12. Бусад асуудал* У.Хүрэлсүх ТАНИЛЦУУЛАХ АСУУДАЛ 13. Газрын тосны үйлдвэрийн явцын талаар* Д.Сумъяабазар 14. Эрүүл мэндийн сайдын гадаад томилолтын дүнгийн талаар Д.Сарангэрэл