Зочид буудал, бизнесийн байгууллагын менежерүүд нээлттэй уулзалт хийж байна

2016 оны долоодугаар сард манай улсад АСЕМ-ийн дээд хэмжээний уулзалт болох гэж байгаатай холбогдуулан. Монголын Зочид буудлуудын холбооноос санаачлан өнөөдөр Бишрэлт зочид буудлын хурлын зааланд АСЕМ-ийн түншлэгч 45 зочид буудлын төлөөлөгч, менежерүүд болон зочид буудлуудын хангамж үйлчилгээ хариуцан ажилладаг аж ахуйн нэгж байгууллагууд оролцсон “Бизнесийн түншлэл-Нээлттэй мэдээлэл” уулзалт сургалт арга хэмжээ зохион байгуулагдаж байна.

Тус арга хэмжээнд оролцогч байгууллагууд өөрийн байгууллагын бүтээгдэхүүн үйлчилгээгээ бусдадаа танилцуулж, харилцан мэдээлэл солилцон, үйл ажиллагааны хүрээнд хамтран ажиллаж АСЕМ-иин дээд хэмжээний уулзалтанд ирэх зочдыг тав тухтай, тохилог, дэлхийн стандартад нийцсэн зочид буудлын үйл ажиллагаагаар угтаж авах зорилгын хүрээнд хийгдэж байгаагаараа онцогтой ажээ.