Зүүнхараагийн 136 метр урт төмөр бетон гүүр суулт өгсөн тул зорчих хөдөлгөөнийг зогсоолоо

Сэлэнгэ аймгийн Мандал сумын / Зүүнхараа/ 136 метр урт төмөр бетон гүүр суулт өгч дам нуруу гулзайсан тул зорчих хөдөлгөөнийг зогсоогоод байна.

Тус гүүрийн эвдрэл гэмтэл болон засвар үйлчилгээг тухайн орон нутаг хариуцдаг хэдий ч Зам, тээврийн хөгжлийн төв ТӨҮГ-ын инженер, техник болон авто зам засвар арчлалтын байгууллага хамтран шуурхай ажиллах чиглэл өгөөд байна.

Энэ чиглэлд зорчихдоо гүүрэн гарц хаалттай гэдгийг тооцоолно уу гэж Зам тээврийн хөгжлийн төв ТӨҮГ-аас мэдээллээ.