Зөвхөн цалин нь 10 сая төгрөг буюу түүнээс дээш орлоготой иргэдээс шаталсан татвар авна

МҮОНРТ-ийн “Монголын мэдээ” сувгийн “Цагийн хүрд” мэдээллийн хөтөлбөр үзүүлж байна: Ирэх оноос иргэд хоорондын гүйлгээг үндэслэж 10 сая төгрөгөөс дээш гарсан нөхцөлд орлогын албан татвар авна гэсэн мэдээлэл цахим орчинд тархаад байгаа нь ташаа мэдээлэл гэдгийг албаныхан хэлж байна. Хувь хүний орлогын албан татварын тухай хуульд 10 сая төгрөгөөс дээш орлоготой иргэдээс шаталсан татвар ногдуулахаар оруулсан. Энэ нь зөвхөн цалин хөлсний орлогод ногдуулж байгаа татвар бөгөөд хөдөлмөр эрхэлж байгаа нийт хүн амын 0.1 хувь буюу мянга гаруй хүн хамрагдах юм байна.