10 сая долларын зардлаар бүтсэн "Halloween" кино тэсрэлт хийв

Энэ сарын 19-нд нээлтээ хийсэн "Halloween" кино нээлтийн өдрүүддээ 77.5 сая ам.долларын ашиг олж, аравдугаар сард нээлтээ хийсэн бүх цаг үеийн хамгийн өндөр орлоготой бүтээлийн нэгээр тодорсон. 10 сая ам.долларын зардлаар бүтсэн тус кино өнгөрсөн долоо хоногийн байдлаар зөвхөн АНУ-ын кино театруудаас 126 сая ам.долларын орлого олсон байна. Мөн 32 сая ам.долларын орлогоор АНУ-ын “Box Office”-ийн жагсаалтыг хоёр дахь долоо хоногтоо тэргүүлжээ.

Үүнээс гадна "Halloween" киноны олон улсын орлого нь 172 сая ам.доллар давж, олон улсын “Box Office”-ийн жагсаалтыг мөн “өнгөлж” байна.