110 гаруй мянган оюутан нийтийн тээврээр үнэгүй зорчино

Монголын Оюутны Холбооны гаргасан тооцоогоор энэ хичээлийн жилд нийт 110 гаруй мянган оюутан нийтийн тээврээр үнэгүй зорчих аж. Үүнээс 63 мянган оюутан нийтийн тээврээр үнэгүй зорчих цахим үнэмлэхийн захиалгаа өнгөрсөн хавар өгчээ.

Одоогоор нийт захиалагдсан үнэмлэхийн ихэнх нь буюу 53 мянган үнэмлэх оюутнуудын гар дээр очиход бэлэн болсон бөгөөд үлдсэн үнэмлэхүүдийг энэ сарын 25 гэхэд хэвлэж дуусгахаар төлөвлөсөн байна. Ингэснээр 60 мянган оюутан нийтийн тээврээр үнэгүй зорчих боломж бүрдэнэ хэмээн холбогдох албаныхан мэдэгдлээ.