112 насны төрсөн өдрөө тэмдэглэлээ

АНУ-ын Флорида мужийн оршин суугч Исабел Кастано 112 насны төрсөн өдрийн баярыг тэмдэглэн өнгөрүүлжээ. Тэрбээр 1906 он нэгдүгээр сарын 11-ний өдөр Колумб улсад мэндэлсэн байна.

Исабел Кастано нутагтаа эмчилгээний эм болон тосон бүтээгдэхүүн үйлдвэрлэдэг үйлдвэр байгуулан аж төрдөг байсан байна. Мөн 41 насандаа гэрлэж, 46 насандаа анхны хүүгээ төрүүлжээ.

Түүний нөхрийг үл таних этгээдүүд хулгайлсан буюу нөхөр нь алга болсон учраас тэрбээр АНУ руу нүүжээ. Ингээд Вашингтон хот, Нью Жерси болон Нью-Йорк хотод оршин сууж байгаад Флорида мужийн Миами хотод ирж суурьшин, сүүлийн 52 жилийн туршид энэ хотод оршин сууж байна.

Түүний 112 насны төрсөн өдрийн баярыг тохиолдуулж Миами хотын захирагч Мэйр Филип Левин нэгдүгээр сарын 11-ний өдрийг "Изабел Кастано Левинийн өдөр" болгон зарлан тунхаглаж байгаагаа мэдэгдсэн байна.

Өнөөдрийн байдлаар дэлхийн хамгийн өндөр настай хүнээр Японы 118 настай иргэн Наби Тажима тодроод байна. Тэрбээр 1900 оны наймдугаар сард эхээс мэндэлжээ.