“2000” уран сайхны киноны нээлт ирэх гуравдугаар сарын 1-нд болно
Киноны хөгжмийг Монгол Улсын морин хуурын чуулгын удирдаач Д.Түвшинсайхан бичиж, тусгай тоглолтыг чуулгын уран бүтээлчид тоглохоор төлөвлөж байгаа аж.
Мэдээллийн алба
Шинэ оны эхэнд “Ub film”-ийн “2000” уран сайхны киноны трейлер албан ёсоор цацагдаж эхэллээ. Уг киног бодит түүхээс сэдэвлэн бүтээсэн аж.
Манж Чин Улсын харьяанд эх орон, эрх чөлөөний төлөө тултаж тэмцэж, мэдэрсэн Монголчуудын тэр дундаа Улиастайн 2000 цэргийн бослого, тэмцлийн талаар уг кинонд өгүүлэх аж.
“2000” уран сайхны киноны зохиолчоор Монгол Улсын урлагийн гавьяат зүтгэлтэн П.Батсайхан, ерөнхий найруулагчаар Б.Отгонзориг, продюсероор З.Анхбаяр нар ажиллажээ.
Киноны хөгжмийг Монгол Улсын морин хуурын чуулгын удирдаач Д.Түвшинсайхан бичиж, тусгай тоглолтыг чуулгын уран бүтээлчид тоглохоор төлөвлөж байгаа аж.
Манжийн дарлалын хүндхэн цаг хугацааг бодитоор харуулахыг зорьж, эх орон, эрх чөлөөнийхөө үнэ цэнийг эргэн мэдрэх боломжийг “Ub film”-ийн уран бүтээлчид “2000” киногоор дамжуулан хүргэх аж.
Бодит түүхээс сэдэвлэн бүтээсэн “2000” уран сайхны киноны нээлт ирэх гуравдугаар сарын 1-нд болох юм байна.
