2019 оны НӨАТ-ын урамшууллыг энэ оны I улиралд багтаан олгоно

Өнөөдрийн байдлаар НӨАТ-ын буцаан олголтын 139 тэрбум төгрөгийн урамшууллыг 900 мянга орчим иргэнд олгохоор байна. 2019 оны Ибаримт бүртгүүлэх хугацаа нэгдүгээр сарын 8-ны өдрийн 23:59 минут хүртэл үргэлжилнэ. Баримт бүртгэгдэж дууссаны дараа нэгдүгээр сарын сүүлчээр хэрэглэгч иргэдийн НӨАТ-ын буцаан олголтын эцсийн тоон мэдээлэл гарах юм байна.

Гааль татвар, санхүүгийн мэдээлэл технологийн төвийн мэргэжилтэн н.Чулуунхүү ингэж ярилаа.

2019 оны НӨАТ-ын урамшууллыг энэ оны I улиралд багтаан олгоно. Мөн энэ жилээс эхлэн НӨАТ-ын буцаан олголтыг улирал бүр олгохоор болж, тухайн улирал дууссанаас хойш 45 хоногийн дотор иргэдийн дансанд шилжүүлэх юм байна.