"Аав, ээж, би” гэр бүлийн марафон боллоо

Гэр бүлийн хөгжлийг дэмжих жилийн хүрээнд "Хүүхдийн эрхийг хамгаалах өдөр"-ийг угтан өчигдөр Дархан-Уул аймагт "Аав, ээж, би” гэр бүлийн марафон тэмцээн боллоо.

Тэмцээнд 7-12 насны хүүхэдтэй 200 гаруй өрхийн 500 гаруй иргэн оролцсон байна. Тэмцээнийг аймаг, сумын ЗДТГ, БТСГ, ГБХЗХГ, Хас банк хамтран зохион явуулжээ.

Эхний байруудад Дархан сумын 14 дүгээр багийн Д.Ганболдын гэр бүл, Дархан сумын есдүгээр багийн н.Энх-Амгалангийн гэр бүлүүд орж өргөмжлөл, мөнгөн шагналаар шагнагдсан юм. Нийтдээ 30 гэр бүлийг шагнаж урамшуулжээ.