Ахмадын УАШТ үргэлжилж байна

Монголын Хөлбөмбөгийн Холбооноос жил бүр уламжлал болгон зохион байгуулагддаг ахмадын УАШТ өчигдөр эхэллээ.

Тэмцээн 37-42, 43-48, 49-54, 60-аас дээш насна гэсэн ангиллаар явагдана.

Өчигдөр хамгийн залуу ангилал болох 37-42 насны гурван тоглолт МХБХ-ны цэнгэлдэх хүрээлэнд боллоо.

Тус гурван тоглолтын үр дүн “Сүхбаатар” 1:3 “Эм Эс Эм”, “Гоёо” 2:0 “Блю Скай”, “Замчин” 4:0 “Дорнод Соёмбо” гэсэн үр дүнгээр өндөрлөв.

Монголын хөлбөмбөгийн түүхийг бүтээлцсэн шилдэг хөлбөмбөгчдийн улсын аваргыг тодруулах тэмцээн баасан гараг хүртэл үргэлжилнэ.