“Алтан тайзны эзэд - Бид мартахгүй” хүндэтгэлийн арга хэмжээ болно
алтан үеийн болон ахмад уран бүтээлчдийн алдрыг хүндэтгэж, бүтээж туурвих арга ухааныг нь хойч үедээ уламжлуулан үлдээх зорилгоор “Алтан тайзны эзэд- Бид мартахгүй” дурсамж, хүндэтгэлийн арга хэмжээг жил бүр уламжлал болгон зохион байгуулдаг
Мэдээллийн алба
Улсын драмын эрдмийн театрын хамт олон алтан үеийн болон ахмад уран бүтээлчдийн алдрыг хүндэтгэж, бүтээж туурвих арга ухааныг нь хойч үедээ уламжлуулан үлдээх зорилгоор “Алтан тайзны эзэд- Бид мартахгүй” дурсамж, хүндэтгэлийн арга хэмжээг жил бүр уламжлал болгон зохион байгуулдаг.
Тэгвэл энэ жил тэгш ой нь тохиож буй алтан үеийн болон ахмад уран бүтээлчиддээ зориулан “Ахмад үеийнхний арга туршлага” эрдэм шинжилгээний бага хурлыг энэ сарын 6-нд 14:00 цагт, “Алтан тайзны эзэд - Бид мартахгүй” үзэсгэлэнгийн нээлтийг 15:45 цагт, “Бид мартахгүй-Алтан тайзны эзэд” хүндэтгэлийн тоглолтыг 18:00 цагт зохион байгуулах юм байна.
