Анита Влодарчик 3 дахь удаагаа дэлхийн аварга боллоо

Спортын хатан хаан гэгддэг хөнгөн атлетикийн спортын 4 дэх өдөр эмэгтэйчүүдийн дүүгүүр шидэлтийн төрөлд Польшийн алдарт тамирчин, Олимп, дэлхийн хошой аварга 31 настай Анита Влодарчик энэ өдөр шилдэг амжилтыг үзүүлжээ. Тэрээр 4 дэх оролдлогоороо 77.90 метр шидсэнээр дэлхийн аваргын тэмцээний гурав дахь алтан медалиа хүртлээ. 2-р байрт 75.98 метр зайд шидсэн БНХАУ-ын Ван Жен шалгарсан бол Польш улсын өөр нэг шилдэг тамирчин, 22 настай Малвина Копрон74.76 метр шидсэн үзүүлэлтээр 3-р байрт шалгарч дэлхийн аваргын тэмцээний анхны медалиа хүртлээ.