АНУ Сирийн зүүн хойд хэсэгт 150 цэрэг илгээхээр төлөвлөжээ

АНУ-ын Батлан хамгаалахын яам Сирийн зүүн хойд хэсэгт 150 цэрэг илгээхээр төлөвлөж байгаа талаар “Нью-Йорк таймс” сонинд мэдээлжээ.

Америкийн цэргүүд Туркийн цэрэг дайчидтай хамтран энэ бүсэд эргүүл хамгаалалтад гарах юм байна. АНУ-ын Батлан хамгаалах яам энэ шийдвэрээрээ Вашингтон, Анкарагийн хооронд Сирийн нутаг дэвсгэрийн асуудлаар үүссэн маргааныг зөөллөнө гэж найдаж байгаа гэнэ.

Үүний зэрэгцээ Пентагон цэргүүдээ Сири рүү илгээснээр АНУ-ын Ерөнхийлөгч Дональд Трампын Сириэс цэргүүдээ гаргах зарлигийг зогсоох боломж бүрдэж байгаа юм.