Ардын жүжигчин Э.Амартүвшин алдарт “Метрополитен” театрын тайзнаа дуулна
Уг театр нь 3900 хүний суудалтай бөгөөд тэрбээр энэ сарын 5, 8, 14, 20, 26-нд алдарт хөгжмийн зохиолч Ж.Вердийн “Травиата” дуурьд дуулах аж.
Мэдээллийн алба
Монгол Улсын ардын жүжигчин Э.Амартүвшин дэлхийн хамгийн нэр хүндтэй театруудын тэргүүнд ордог АНУ-ын Нью-Йорк хотын “Метрополитен” театрын тайзнаа дуулахаар болжээ.
Уг театр нь 3900 хүний суудалтай бөгөөд тэрбээр энэ сарын 5, 8, 14, 20, 26-нд алдарт хөгжмийн зохиолч Ж.Вердийн “Травиата” дуурьд дуулах аж.
Тэрбээр өнгөрсөн наймдугаар сард эх орондоо ирхэд нь ардын жүжигчин цол тэмдгийг нөхөн олгосон юм.
Тэрбээр 2004-2009 онд СУИС-ийг Монгол Улсын гавьяат жүжигчин Ц.Ерөөгийн удирдлага дор суралцан төгссөн бөгөөд 2009 оноос сонгодог урлагийн гараагаа ДБЭТ-аас эхэлжээ. Улмаар 25 насандаа Монгол Улсын гавьяат жүжигчин цол хүртсэн билээ.
