"Ашгабат-2017" спортын наадмаас анхны алтан медалиа хүртлээ

"Ашгабат-2017" Азийн танхимын болон тулааны спортын наадмын анхны Алтан медалийг Туркмен уламжлалт барилдааны эмэгтэйчүүдийн +70кг жингийн тамирчин О. Мөнхцэцэг, мөнгөн медалийг +70кг жингийн тамирчин Г. Сарангоо нар хүртлээ.

Ийнхүү "Ашгабат-2017" Азийн танхимын болон тулааны спортын V наадмын эхний өдрийг Монгол Улсын баг тамирчид Туркмен уламжлалт барилдаан, жюү жицү бөхийн төрлөөр 1 алт, 1 мөнгө, 3 хүрэл медаль хүртсэн амжилттайгаар эхлүүлж байна.