Аваргууд адилхан хоёр даваатай

Японы мэргэжлийн сүмогийн арваннэгдүгээр сарын Кюүшю башёгийн хоёр дахь өдрийн барилдаан буюу өчигдрийн барилдаанд гурван аварга өрсөлдөгчөө унагаасан.

Мэргэжлийн сүмогийн 69 дэх их аварга Хакүхо М.Даваажаргал мегаширигийн нэгээс босч барилдсан Аминишикиг, 70 дахь их аварга Харүмафүжи Д.Бямбадорж мегаширигийн хоёроос барилдаж байгаа Тоёохибикиг, 71 дэх аварга Какарю М.Ананд мегаширигийн нэгээс барилдаж байгаа Точиозан нарыг тус тус давж хоёр дахь ялалтаа байгууллаа. Харин шинэхэн секивази Иченожу А.Ичинноров өнөөдөр М-2-оос барилдаж байгаа Такарафүжитэй барилдаж шитатенаги мэхээр давж нэг даваа, нэг унаатай боллоо.