“Аваргын гараа” чөлөөт бөхийн тэмцээн болно

Увс аймгийн Сагил сумын харьяат, гавьяат тамирчин, улсын начин Лувсангийн Энхбаяр агсны нэрэмжит “Аваргын гараа” чөлөөт бөхийн өсвөр үеийн олон хотын тэмцээн арваннэгдүгээр сарын 3-5-нд Увс аймгийн төв Улаангомд болно. Тус тэмцээнд 2001 оноос хойш төрсөн чөлөөтийн тамирчид эрэгтэй 11, эмэгтэй есөн жинд өрсөлдөх юм байна.

Дашрамд дуулгахад, “Будапешт-1985” дэлхийн аварга шалгаруулах тэмцээн, “Найрамдал-1984” наадам, 1987 оны Дэлхийн цомын медальт чөлөөт бөхийн тамирчин Л.Энхбаяр агсан 1981 онд залуучуудын Азийн аваргаар шалгарч байсан билээ.