Б.Болортуяа он гарснаас хойш дөрөв дэх тэмцээндээ “босоо” түрүүллээ
Тэрбээр эзэн орны Айша Улишан, Азербайжаны Лейла Гурбанова, Казахстаны хашир туршлагатай бөх Жюлдиз Эшимова зэрэг бүх өрсөлдөгчөө цэвэр ялав.
Мэдээллийн алба
Болат Турлыхановын нэрэмжит бөхийн төрлүүдийн дэлхийн чансаа олгох тэмцээн өнгөрсөн долоо хоногт Казахстаны Алматы хотод эхэлсэн билээ. "Токио-2020" олимпын наадам, "Нур-Султан-2019" ДАШТ-ий хүрэл медальт "Женко" клубийн тамирчин ОУХМ Бат-Очирын Болортуяа Алматыгийн дэвжээнээс Монгол Улсын баг тамирчдын хоёр дахь алтан медалийг авчирлаа.
Тэрбээр эзэн орны Айша Улишан, Азербайжаны Лейла Гурбанова, Казахстаны хашир туршлагатай бөх Жюлдиз Эшимова зэрэг бүх өрсөлдөгчөө цэвэр ялав.
Б.Болортуяа 2022 он гарснаас хойш дөрөв дэх тэмцээндээ дараалан аваргалаад байна. Тодруулбал, нэгдүгээр сард Красноярскад Иван Ярыгины, хоёрдугаар сард Стамбулд Яшар Догугийн олон улсын тэмцээн, өнгөрсөн сард Москвад "Мэргэжлийн бөхийн лиг"-т түрүүлээд байгаа юм.
