Б.Чинзориг маргааш мөнгөн медалийн төлөө тулалдана
Дараа нь хүрэл медалийн төлөө ДАШТ-ий гурван алт, хоёр мөнгө, олимпын гурван хүрэл медальт, Кубийн алдарт боксчин Ласаро Алварестай өрсөлдөж ялж, дэлхийн аваргын хүрэл медалийн болзол хангав.
Мэдээллийн алба
Боксын насанд хүрэгчдийн ДАШТ Узбекистан улсад үргэлжилж байна. 5.2 сая ам.долларын шагналын сантай тус тэмцээнд Монголын 10 боксчин өрсөлдөж буй.
Эрэгтэйчүүдийн 63.5 кг-д армийн дэлхийн аварга, Ази тивийн аварга, Азийн наадмын мөнгөн медальт Б.Чинзориг эхний тойргуудад Австралийн М.Маклериг 5:0, Камеруны М.Оумароуг 5:0, Конгогийн Ф.Мулумбаг мөн 5:0-ээр ялсан.
Дараа нь хүрэл медалийн төлөө ДАШТ-ий гурван алт, хоёр мөнгө, олимпын гурван хүрэл медальт, Кубийн алдарт боксчин Ласаро Алварестай өрсөлдөж ялж, дэлхийн аваргын хүрэл медалийн болзол хангав.
Тэрбээр мөнгөн медалийн төлөө Тажикистаны боксчин, Ази тивийн аварга Б.Усмоновтой маргааш тулалдана.
