Б.Гүндаваа "Мальта Опен" тэмцээний хошой аварга боллоо

Мальта улсад өнгөрсөн долоо хоногт болсон шатрын Олон улсын нээлттэй тэмцээнд их мастер Б.Гүндаваа оролцож түрүүллээ. Тэрбээр энэ удаад түрүүлснээр "Малта Опен"-д хоёр дахиа түрүүлээд байгаа юм. Тав дахь удаагаа зохиогдож буй тус тэмцээнд 31 орны 200 шатарчин оролцсоноос манай улсаас “Шунхлай” группийн тамирчин, их мастер Б.Гүндаваа 9 өрөг тоглосноос 7 хожиж, 2 тэнцэн 8 оноогоор түрүүлсэн байна.

"Мальта Опен" тэмцээний ерөнхий зохион байгуулагчаар манай улсын хүргэн, Мальта улсын иргэн Псалиа Кларанс ажилласан бол тэмцээний орлогч шүүгчээр Олон улсын шатрын холбооны шүүгч Ж.Мөнхбаяр томилогджээ.