Багануур дүүрэгт намрын ногоо үзэсгэлэн худалдаа зохион байгуулагдаж байна
Хүнсний ногоог Мэргэжлийн хяналтын хэлтсийн итгэмжлэгдсэн лабораторит шинжилгээнд хамруулан, худалдаа үйлчилгээ эрхлэх гэрээг ЗДТГ-тай байгуулан, үйл ажиллагаанд нь МХХ, Цагдаагийн хэлтэс хяналт тавин ажиллаж байна.
Мэдээллийн алба
НЗАА-ны даргын баталсан хуваарийн дагуу дүүргийн хүн амын хүнсний аюулгүй байдлыг хангах, иргэдэд шинэ ургацын чанарын шаардлага хангасан, хямд үнэтэй ногоог нийлүүлэх зорилгоор “Намрын ногоо үзэсгэлэн худалдаа”-г Багануур дүүргийн нутаг дэвсгэрт энэ сарын 24-нөөс ирэх аравдугаар сарын 1 хүртэлх хугацаанд Эрүүл мэндийн төвийн урдах талбайд зохион байгуулж байна.
Тус үзэсгэлэн худалдаанд оролцох хүсэлтэй тариаланч, иргэдтэй уулзалт зохион байгуулж ЗДТГ, МХХ-ээс зөвлөмж зөвлөгөө өгч ажиллаж байна.
Хүнсний ногоог Мэргэжлийн хяналтын хэлтсийн итгэмжлэгдсэн лабораторит шинжилгээнд хамруулан, худалдаа үйлчилгээ эрхлэх гэрээг ЗДТГ-тай байгуулан, үйл ажиллагаанд нь МХХ, Цагдаагийн хэлтэс хяналт тавин ажиллаж байна.
Өнөөдрийн байдлаар үзэсгэлэн худалдаанд нийт 10 иргэн оролцож байна. Намрын ногооны үзэсгэлэн худалдааны үйл ажиллагаанд өчигдөр НМХГ-ын Багануур дүүрэг дэх Мэргэжлийн хяналтын хэлтэс, Цагдаагийн хэлтэс, ЗДТГ хамтран хяналт шалгалт хийлээ.
Уг шалгалтаар худалдаа үйлчилгээ эрхлэх гэрээ хийгээгүй, жимс худалдаалж байсан зөрчил илэрсэнийг зөвлөмж өгч ажиллалаа.
