Байгалийн гэнэтийн аюулаас сэрэмжлүүлэв

Их халалтын улмаас аянга цахилгаантай аадар бороо, мөндөр орох, үер буух зэрэг байгалийн гэнэтийн аюулт үзэгдэл гарч болзошгүйг Онцгой байдлын ерөнхий газраас анхаарууллаа.

Он гарсаар хүчтэй аадар бороо орж, үер бууснаас 9000 гаруй толгой мал хоргодсон байна. Мөн аянга цахилгаан буусны улмаас 1 иргэн түлэгдэн, 60 толгой мал хоргоджээ. Их халалтын үед усархаг түр зуурын бороо орсноос үүдэн гол усны түвшин нэмэгдэж байгаа. Иймд 7, 8 дугаар сард малчид, ард иргэд үеэр усны аюулаас сэрэмжтэй байхыг ОБЕГ-ын Ус цаг уур хариуцсан мэргэжилтэн Ч.Туяа анхаарууллаа.