Биологийн идэвхт бүтээгдэхүүнд тавих хяналтын талаар хэлэлцэв

Мэргэжлийн хяналтын ерөнхий газрын Хил, хорио цээрийн хяналтын газраас биологийн идэвхт бүтээгдэхүүнд тавих хяналтын талаар хэлэлцүүлэг өрнүүлсэн байна.

Хэлэлцүүлэгт биологийн идэвхт бүтээгдэхүүн импортлогч 13 аж ахуйн нэгж, МХЕГ, Нийслэлийн Мэргэжлийн хяналтын газар, Буянт-Ухаа боомтын Хилийн мэргэжлийн хяналтын алба, Эрүүл мэнд, спортын яам, Эрүүл мэндийн хөгжлийн төв, Нийгмийн эрүүл мэндийн үндэсний төвийн төлөөлөл оролцсон ажээ.

Дашрамд дурдахад, МХЕГ-ын дарга Ш.Раднаасэдийн тушаалаар хилийн мэргэжлийн хяналтад хамрагдах импортын 2194 бараанд хийх хяналт шалгалтын заавар, ашиглах хяналтын хуудас, тухайн барааг шалгах кодыг баталж, өнгөрөгч наймдугаар сарын 25-наас хэрэгжүүлж эхэлсэн. Энэ хүрээнд эм, биобэлдмэл, биологийн идэвхт бүтээгдэхүүн, эмнэлгийн хэрэгсэл импортлох үед 9.3.4 код бүхий хяналтын хуудас ашиглан хяналт тавьж байгаа ажээ.