БНСУ-д ажиллаж, амьдарч байгаа монгол иргэд "10 мянган ширхэг амны хаалт аян"-ыг эхлүүлжээ

"Цагийн хүрд" мэдээллийн хөтөлбөр: БНСУ-д ажиллаж, амьдарч байгаа монгол иргэд "10 мянган ширхэг амны хаалт цуглуулах аян" санаачилжээ. Тэдний цуглуулсан 3700 амны хаалт Монголд ирсэн байна. Эрсдэлтэй нөхцөлд ажиллаж байгаа хэвлэл мэдээллийн байгууллагуудын шуурхай мэдээний сэтгүүлч, зураглаачдад эхний ээлжинд олголоо. Дараагийн ээлжийн амны хаалтыг эхчүүд, хүүхдүүд болон захын хорооллын эрсдэлт бүлгийн иргэдэд тараахаар төлөвлөж байна.