Буудлагынхан эрх олгох сүүлчийн тэмцээндээ амжилт муутай оролцлоо
Бразилийн Рио Де Жанейро хотод ирэх наймдугаар сарын 5-21-нд болох зуны XXXI дэх олимпийн наадамд олимпийн мөнгөн медальт, Хөдөлмөрийн баатар, Гавьяат тамирчин О.Гүндэгмаа, ОУХМ Ц.Мөнхзул (хоёул гар буу), ОУХМ Г.Нандинзаяа (урт буу) нар өрсөлдөнө.
Мэдээллийн алба
Энэтхэгийн Дели хотноо "Рио-2016" олимпийн эрх олгох буудлагын Ази тивийн сүүлийн тэмцээнээс манайхан нэмж эрх авч чадсангүй. Энэхүү тэмцээнд манайхан эрэгтэй, эмэгтэй бүтэн багаараа оролцсон билээ. Тодруулбал, 50 метрийн хэвтээгээс 60 сум буудах эрэгтэй дасгалд ОУХМ Х.Бямбабаатар, 10 метрийн урт бууны дасгалд ОУХМ Ч.Нарантуяа нар хамгийн өндөр амжилт буюу VI байрт шалгарсан. Гэхдээ тэд дээрх тэмцээнээс хоёроос гурван эрх нэмж авах зорилготой явсан юм.
Бразилийн Рио Де Жанейро хотод ирэх наймдугаар сарын 5-21-нд болох зуны XXXI дэх олимпийн наадамд олимпийн мөнгөн медальт, Хөдөлмөрийн баатар, Гавьяат тамирчин О.Гүндэгмаа, ОУХМ Ц.Мөнхзул (хоёул гар буу), ОУХМ Г.Нандинзаяа (урт буу) нар өрсөлдөнө.
