Ч.Ганзоригийг шилжүүлэн шалгана

“Эрдэнэт” үйлдвэрийн захирал асан Ч.Ганзоригийг Нийслэлийн Прокурорын газрын хяналтад шилжүүлэн шалгаж байна.

Түүнийг анх Улсын мөрдөн байцаах газраас албан тушаалаа урвуулан ашигласан хэрэгт сэжигтнээр тооцон эрүүгийн хэрэг үүсгэн, шалгаж байгаад, ийн шилжүүлэхээр болсон байна.

Ч.Ганзоригийг “Эрдэнэт” үйлдвэрийн захирлаар ажиллаж байхдаа хувийн компанид батлан даалт гаргаж 160 сая. ам.долларыг Английн “Стандарт” банкны Өмнөд африк дахь салбараас зээлэхэд оролцсон хэрэгт буруутган цаашид үргэлжлүүлэн шалгах юм.