“Челси” 6:0 “Карабах”
Английн аварга “Челси” клуб нээлтийн тойрогтоо Азербайжаны “Карабах” клубтэй учраа таарлаа.
Мэдээллийн алба
“Аваргуудын лиг”-ийн “С” хэсгийг тэргүүлэн тоглож байгаа Английн аварга “Челси” клуб нээлтийн тойрогтоо Азербайжаны “Карабах” клубтэй учраа таарлаа. Энэ тоглолтод “Челси” бүх талаараа өрсөлдөгчөө илүүрхэн тоглож, “Стэмфорд Бридж”-дээ 6:0-ийн харьцаатай ялалтыг авсан байна. Гоолуудыг Испани довтлогч Педро (5‘ Уиллианы дамжуулалтаар), Итали хамгаалагч Давид Заппакоста (30‘ Тибо Куртуагийн дамжуулалтаар), Цесар Азпиликуэта (55‘ Цеск Фабрегасын дамжуулалтаар), Тьему Бакайоко (71‘), Миши Батшуайи (76‘ Бакайокогийн дамжуулалтаар), Миши Батшуайи (82‘ Заппакостагйин дамуулалтаар) нар оруулжээ.
Өнгөрсөн зуны солилцоо наймааны цонхоор “Будант Альбионд” газардсан 23 настай Франц хагас хамгаалагч Тьему Бакайоко, Итали хамгаалагч Давид Заппакоста нар энэ өдөр ийнхүү “Челси”-гийн төлөөх эхний гоолуудаа оруулсан бол 2 гоол оруулсан 23 настай Бельги довтлогч Миши Батшуайи лигийн мэргэн буучдын жагсаалтыг тэргүүлэгчдийн эгнээнд орсон байна. Итали мэргэжилтэн Антонио Конте дасгалжуулагчтай “Цэнхэрүүд” энэ жилийн аваргуудын лигийн тэмцээний “С” хэсгийг эхний тойргийн дараах байдлаар тэргүүлж байна.
