​Челси Жозе Моуриног бүх талаар дэмжинэ гэв

Өнгөрсөн бямба гарагт талбай дээрээ Саутхэмптонд 3:1 харьцаатай хожигдсон Жозе Моурино болон түүний багийнханд Челси клуб итгэж байгаагаа албан ёсоор мэдэгдлээ.

Премьер лигийн өнгөрсөн улирлын аваргууд энэ улиралд 8 тойргийн дараах байдлаар хүснэгтийн 16-д бичигдсэн тааруухан үзүүлэлттэй байгаа.

Челсигийн удирдлагууд “Клубын зүгээс Жозег үргэлжлүүлэн бүх талаар дэмжинэ гэдгээ мэдэгдэж байна. Түүний хэлж байсанчлан тоглолтын үр дүн тийм ч хангалттай биш байгаа бөгөөд багийн гүйцэтгэл сайжрах хэрэгтэй байгаа. Гэхдээ бидэнд энэ улирлын үр дүнг эргүүлж чадах зөв менежер байгаа гэдэгт итгэлтэй байгаа" гэжээ.