Чингиз Айтматовын 90 насны ойг тэмдэглэх талаар санал солилцлоо

Боловсрол, соёл, шинжлэх ухаан, спортын яамны Соёл урлагийн бодлогын газрын дарга Б.Сэргэлэн Бүгд Найрамдах Киргиз Улсаас Монгол Улсыг хавсран суугаа ЭСЯ-ны консулын ажилтан Азатбек Береналиевтэй уулзаж хоёр улсын соёлын хамтын ажиллагааны асуудлаар санал солилцлоо.

Уулзалтаар Киргизийн нэрт зохиолч Чингиз Айтматовын 90 насны ойг тэмдэглэн өнгөрүүлэх ажлын хүрээнд хоёр талын хамтран хэрэгжүүлэх арга хэмжээний талаар ярилцаж мөн Бүгд Найрамдах Киргиз Улсын Иссык-Кульд 2018 оны есдүгээр сарын 2-8-ны өдрүүдэд зохион байгуулагдах “Дэлхийн нүүдэлчдийн гуравдугаар наадам”-ын талаар мэдээлэл солилцов.