Дархан аварга Б.Бат-Эрдэнэ, Г.Өсөхбаяр нар өвдөг шороодлоо

Тулгар төрийн 2230, 2231, Их Монгол Улс байгуулагдсаны 815, 816, Үндэсний эрх чөлөө, тусгаар тогтнолоо сэргээн мандуулсны 110, 111, Ардын хувьсгалын 100, 101 жилийн ой, Үндэсний их баяр наадмын хүчит бөхийн гурвын даваа ид үргэлжилж байна.

Тус даваанд Даян аварга Н.Батсуурь, Улсын аварга П.Бүрэнтөгс, Улсын аварга Г.Эрхэмбаяр, Улсын аварга С.Мөнхбат нар гурав даваад байна. Мөн Хэнтий аймгийн Өмнөдэлгэр сумын харьяат, аймгийн арслан Д.Алтанцоож Дархан аварга Б.Бат-Эрдэнээр, Архангай аймгийн Цэнхэр сумын харьяат, аймгийн арслан Ц.Цогт-Эрдэнэ Дархан аварга Г.Өсөхбаяраар тус тус гурав давлаа.