Давсны зохистой хэрэглээг хэвшүүлцгээе

“Давсны мэдээлэл сурталчилгааны дэлхийн 7 хоног” кампанит ажил эхэлж байна. Монгол Улс “Давс ба эрүүл мэнд” дэлхийн хөдөлгөөнд 2012 онд нэгдэн орж, тус кампанит ажлыг жил бүрийн 3 дугаар сард тэмдэглэж ирсэн юм.

Давсны хэрэглээг багасгаснаар артерийн даралт ихсэх, тархины харвалт зэрэг зүрх, судасны өвчлөлийн эрсдэлийг бууруулах боломжтой.

ДЭМБ-аас хоногт 5 гр-аас доош давс (1 цайны халбагаас ихгүй) хэрэглэхийг зөвлөдөг боловч Монгол хүний хоногийн давсны хэрэглээ 2 дахин өндөр байна. Тиймээс эрүүл мэндээ хамгаалж, давсны зохистой хэрэглээг хэвшүүлцгээе.