Дэлбэрэлтэд монгол хүн өртөөгүй гэв
Дээрх гурван тохиолдлоос гадна дэлбэрэлт хийх зориулалт бүхий хэд хэдэн төхөөрөмжийг АНУ-ын холбогдох байгууллага илрүүлж, аюулгүй болгожээ.
Мэдээллийн алба
Энэ сарын 17,18-ны өдрүүдэд АНУ-ын Нью-Йорк хотын Манхэттэн дүүрэг, Нью-Жерси хотын Сийсайд цэцэрлэгт хүрээлэн болон Элизабет хотод дэлбэрэлт болсон талаар бид өмнө нь мэдээлсэн. Тус дэлбэрэлтүүд хоорондоо уялдаа холбоотой талаар АНУ-ын эрх бүхий байгууллагууд мэдээлж байна. Нью-Йорк хотод болсон дэлбэрэлтэд 29 иргэн өртөж, эмнэлэгийн анхан шатны тусламж авчээ. Харин Нью-Жерси хотод болсон хоёр дэлбэрэлтэд ямар нэгэн иргэн өртөөгүй байна.
Дээрх гурван тохиолдлоос гадна дэлбэрэлт хийх зориулалт бүхий хэд хэдэн төхөөрөмжийг АНУ-ын холбогдох байгууллага илрүүлж, аюулгүй болгожээ.
Вашингтон дахь манай улсын ЭСЯ-ны мэдээлснээр дээрх цуврал дэлбэрэлтэд монгол иргэн өртөөгүй байна.
Эх сурвалж: Гадаад харилцааны яам
