Дэлхийн хамгийн үнэтэй авто машиныг танилцуулав

Тансаг буюу дээд зэрэглэлийн хурд хүчний гайхамшиг болсон авто машин үйлдвэрлэгч "Роллс-Ройс" компани дэлхийн хамгийн үнэтэй авто машинаа танилцуулсан байна.

Итали улсад зохион явуулсан "Concorso d'Eleganza Villa d'Este" нэртэй авто үзэсгэлэнгийн үеэр "Роллс-Ройс"-ынхон "Свийптайл" нэртэй шинэ загварын машинаа олон нийтэд сонирхуулжээ.

Ойролцоогоор 12.8 сая америк долларын үнэтэйгээр худалдаалахаар төлөвлөж буй "Свийптайл" авто машин нь 6.75 литрийн багтаамжтай 12 цилиндр бүхий хөдөлгүүртэй, 8 шатлалт автомат хурдны хайрцагтай юм байна.