Допингийн эсрэг үндэсний төвийн удирдах зөвлөлийн хурал болллоо

Допингийн эсрэг үндэсний төвийн удирдах зөвлөлийн хурал өнөөдөр Монголын үндэсний олимпийн хорооны хурлын танхимд зохион байгуулагдав. Хурлаар өнгөрсөн оны ажлын тайланг хэлэлцэж 2018 оны ажлын төлөвлөгөөг батлав.

Допингийн эсрэг үндэсний төв нь 2017 онд БСШУСЯ-ны харьяа ЗГХАБТСГ-тай хамтран "Допингийн эсрэг үндэсний хяналт" төслийг амжилттай хэрэгжүүлсэн байна.

2018 онд Монголын үндэсний олимпийн хороо, Эмнэлэг, эрдэм шинжилгээний комисстой хамтран 7 хоног тутамд Спорт холбоодын удирдлага, тамирчид болон дасгалжуулагчдад чиглэсэн “Sports Education - Mongolia” сэдэвт цуврал сургалтыг зохион байгуулахаар шийдвэрлэв.

Мөн тамирчдаас тэмцээний болон тэмцээний бус үеийн допингийн шинжилгээг тогтмол авах зэрэг олон талт үйл ажиллагааг хэрэгжүүлэхээр төлөвлөгөөндөө тусгасан байна.