Э.Сумъяа, А.Батцэцэг нар Азийн спортын наадмаас хүрэл медаль хүртлээ

Азийн спортын 18-р их наадмын эмэгтэйчүүдийн 53 кг-ын жинд “Будапешт-2013” ДАШТ-ний мөнгө, Азийн АШТ-ний мөнгө, “Универсиад” наадмын мөнгөн медальт, ОУХМЭрдэнэчимэгийнСумъяа Өмнөд Солонгосын бөхтэй барилдаж хүрэл медалийн төлөө барилдаж, ялалт байгууллаа.

Тэрээр өнөөдөр тэгшитгэлд Энэтхэгийн Пинкиг, шөвгийн наймд Вьетнамын ТиХаФуонгийг тус бүр оноогоор цэвэр ялсан ч хагас шигшээд ДАШТ-ий мөнгө, хүрэл медальт Казахстаны бөх Жулдиз Эшимовад 11:12-оор ялагдаж, хүрэл медалийн төлөө барилдахаар болсон юм.

Мөн тус наадмын эмэгтэйчүүдийн 57 кг-ын жинд өрсөлдөж байгаа Залуучуудын дэлхйин аварга, Ази тивийн аварга, ОУХМ А.Батцэцэг хүрэл медалийн төлөө Өмнөд Солонгосын тамирчин Ум Жиюүнтэй барилдаж, 2:5-аар яллаа.