Энэ сарын 6-8-ны өдрүүдэд нийслэлд 216 иргэн мэндэлжээ

Нийслэлийн “Өргөө”, “Хүрээ”, “Амгалан” амаржих газарт энэ сарын 6-8-ны өдрүүдэд нийт 216 хүүхэд мэндэлснээс 102 нь хүү, 114 нь охин байна.

Тодруулбал, “Өргөө” амаржих газарт өнгөрөгч гурав хоногт 145 эх нярайлсан бөгөөд үүнээс 71 хүү, 74 охин мэндэлжээ.

Харин “Хүрээ” амаржих газарт нийт 38 шинэ иргэн мэндэлснээс 15 хүү, 23 охин байна.

“Амгалан” амаржих газарт 33 хүүхэд мэндэлснээс 16 хүү, 17 охин нь байжээ.

Монголын үрс маш олон болтугай.