Финлянд 90:87 Польш

Европын аваргын тэмцээний "А" хэсэгт багтсан Польш, Финляндын шигшээ багууд энэ өдөр хэсгийн 3-р тойрогтой учраа тааран тоглож, үндсэн цагт 66:66-ын харьцаатай тэнцсэн байна. Улмаар тоглолтын ялагч нэмэлт цагт шийдэгдэж, 2 ч удаа нэмэлт цаг сунгасны эцэст Финляндын шигшээ баг 90:87-ын харьцаатай өрсөлдөгчөө хожжээ. Энэ өдөр Финляндын багийн сэлгээнээс гаран тоглосон Лаури Маркканен 27 оноо авсан үзүүлэлтээр бүх тоглогчийг тэргүүллээ. Тэрээр холын зайнаас 7 удаа шидэж, бүгдийг амжилттай болгосон байна. Түүнчлэн багийн шилдэг хамгаалагч Петтери Копонен 21 оноо авсан юм. Финляндын шигшээ баг одоогоор 2 хожсон амжилттай “А” хэсгийн 2-р байрт бичигдэж байгаа бол Польшийн баг 1 хожилтой энэ хэсгийн 5-р байрт тэмцээнийг үргэлжүүлж байна.