Футзалын шүүгчийн сургалт Дорнод аймагт болно
Онолын сургалтыг ОУХБХ-ны талбайн шүүгч Д.Түмэнбаяр удирдан явуулсан бол Монгол улсаас төрсөн анхны ОУХБХ-ны футзалын шүүгч Р.Жаргалсайхан бие бялдрын бэлтгэлийг хийлгэсэн юм.
Мэдээллийн алба
Дорнод аймагт өнөөдрөөс 30 хүртэл болох ОУХБХ-ны футзалын шүүгчийн сургалтад оролцох шүүгчид 10 хоног бэлтгэл хийж, өчигдөр сургалтад суух шүүгчдээ бүрдүүллээ.
МХБХ-ны шүүгчдийн онолын мэдлэгийг сайжруулж, бие бялдрын бэлтгэлжилтийг ханган, ОУХБХ-ны шүүгчийн сургалтад бэлдэх зорилготой 10 хоногийн бэлтгэл явуулж, өчигдөр үр дүнг нь гаргасан юм.
Онол, практик хосолсон сургалтын дараа шалгалт авахад 35 шүүгчээс 27 нь тэнцэж, Дорнод аймаг болох ОУХБХ-ны шүүгчийн сургалтад суух эрхтэй боллоо. Мөн МХБХ-той хамтран ажилладаг “Их талын дуулиан” ТББ-ын шүүгчид ОУХБХ-ны футзалын шүүгчийн сургалтад оролцоно.
Онолын сургалтыг ОУХБХ-ны талбайн шүүгч Д.Түмэнбаяр удирдан явуулсан бол Монгол улсаас төрсөн анхны ОУХБХ-ны футзалын шүүгч Р.Жаргалсайхан бие бялдрын бэлтгэлийг хийлгэсэн юм.
Дорнод аймагт ОУХБХ-ны футзалын сургалтад суух шүүгчид шалгалтын дүнгээсээ хамаарч футзалын зэрэглэл авах тул МХБХ-ны шүүгчдийн хувьд чухал сургалт болно.
