Г.Болор-Эрдэнэ паралимпын наадмын медалийн буухиаг үргэлжлүүллээ

“Парис-2024” зуны паралимпын наадмын таеквондогийн эрэгтэйчүүдийн 63 кг-ийн жингийн ангилалд таеквондогийн дэлхийн таван удаагийн аварга, Ази тивийн таван удаагийн алтан медальт, гавьяат тамирчин Г.Болор-Эрдэнэ өрсөлдөж мөнгөн медаль хүртлээ.

Тэрбээр Туркийн тамирчин Базтеке Махмуттай тулалдаж үндсэн цагт 7:7 -оор тэнцэж алтан онооны цагт ялагдлаа. Туркийн тамирчин дэлхийд чансаагаар 1-т, манай тамирчин 2-т эрэмблэгдэж байна.