Г.Ганзориг олон улсын хөгжлийн бэрхшээлтэй тамирчдын наадмаас алтан медаль хүртлээ

Тайланд улсын Ратчасима хотод дэлхийн хөгжлийн бэрхшээлтэй тамирчдын анхдугаар наадам арванхоёрдугаар сарын 2-9-ний өдрүүдэд болж байна.

Тус наадамд манай улсаас пауэрлифтинг, буудлага спортын төрөлд хоёр тамирчин, хоёр дасгалжуулагч оролцож байгаа юм.

Наадмын буудлага спортын 50 метрийн сонгомол гар бууны төрөлд дасгалжуулагч О.Төгөлдөрийн удирдлага дор Г.Ганзориг алтан медаль хүртлээ.

Тэрбээр хоёр хоногийн өмнө тус наадмын спортын хийн гар бууны 10 метрийн дасгалд хүрэл медаль хүртсэн юм.

Эх сурвалж: Биеийн тамир, спортын улсын хороо